Avokati Adriatik Lapaj ka deklaruar se korrupsioni në bluzat e bardha vjen pasi mjekët paguhen me rroga mizerabël.
I ftuar në “Open”, Lapaj bëri një llogari të thjeshtë, teksa tha se një mjek merr vetëm 90 mijë lekë të reja në muaj, 3 mijë lekë të reja në ditë.
Avokati shtoi se një kirurg bën të paktën tre operacione në ditë dhe për çdo të tillë merr vetëm një mijë lekë, sa një picë.
“Duhen rritur rrogat. Nuk mund të mos kesh korrupsion duke pasur kirurgë me 90 mijë lekë të reja rrogë në muaj. I bie tre mijë lekë në ditë. Ai bën të paktën tre operacione dhe merr 1 mijë lekë për çdo ndërhyrje. Sa një picë. Është turp. Nuk ka luftë ndaj krimit me bukë me djathë,”- tha Lapaj.
