Vladimir Meçe, avokati i Emiljano Shullazit, ka reaguar pas vendimit që dha sot Gjykata e Krimeve të Rënda, duke dënuar me 55 vite burg në total bandën ‘Shullazi’.
Në një deklarate për mediat Meçe deklaroi se akuzat në fjalë ishin të stisura. Avokati nuk kurseu as kritikat për ‘gjykatësit’ e kësaj çështje. Meçe për gjyqtarët tha se ata nuk bëjnë dot dallimin mes të drejtës civile e penale.
“Është fatkeqësi. Pati edhe akuza që ranë poshtë nga gjykata. Duhet të binin edhe këto akuza. Vendimi për “Vollgën’ s’u dha i arsyetuar. Fatkeqësi është se kjo gjykatë është se nuk i shpëton dot presionit. Në fushën që operojnë nuk janë në gjendje të bëjnë dallimin mes të drejtës civile, penale dhe administrative. E konsideroj një konflikt të pastër civil. Akuzat janë të stisura”, tha Meçe.
