Maksim Haxhia, avokat i ish-ministrit të Brendshëm, Saimir Tahiri deklaroi sot se klienti i tij është sërish i lirë. Gjykata e Apelit ka vendosur të shfuqizojë vendimin e Gjykatës së Krimeve të Rënda për masën “arrest shtëpie” ndaj Tahirit.
“Ishte shfuqizimi i vendimit për arrestin, përfundimisht Saimir Tahiri është pa masë arresti. Për mua ishte një fitore për të gjithë mbi të drejtën e masës së arrestit në shtëpi. Prokuroria kërkonte masën e arrestit me burg.
Deri tani jemi në fazën procedurale të veprimeve paraprake. Ne kemi bërë kundërshtimi e provave që janë paraqitur deri tani dhe gjykata vendosi në favorin tonë.
Të dy letër porositë nuk kanë asgjë të re. Kanë të bëjmë më të pushimet familjare të Tahirit. Të dy shitësit ku janë bërë blerje në Itali kanë deklaruar se nuk e njohin Tahirin.
Zoti Tahiri është duke pritur urdhrin e prokurorit që të lirohet nga masa e arrestit shtëpiak”, deklaroi Tahiri.
