“Avioni ngjante me një top zjarri”, një deklaratë e marrë nga shumë burime okulare, u ka dhënë të kuptojnë autoriteteve që avioni ukrainas që u rrëzua në Teheran dje ka qenë në flakë përpara se të përplasej në tokë.
Nga ana tjetër, refuzimi i Iranit për të dhënë “Kutitë e Zeza” ka prodhuar shumë dyshime dhe teori konspirative. Të tilla dyshime sollën dhe ndryshimin e deklaratës fillestare të Ambasadës Ukrainase në Teheran.
Sot, Ukraina po heton në disa pista hetimi për ngjarjen e djeshme ka deklaruar Sekretari i Mbrojtjes së Ukrainës, raporton CNN.
Sipas tyre, nuk përjashtohet mundësia që avioni të jetë goditur nga një raketë dhe mund të ketë qenë një akt terrorist, ka konfirmuar zyrtari Sekretari i Mbrojtjes Danilov.
Pritet që në ditët në vijim, hetimet e thelluara të përcaktojnë saktë nëse ishte akt terrorist apo avioni u rrëzua për shkak të një defekti në njërin nga motorët kryesorë.
Kujtojmë që nga aksidenti ajror humbën jetën 176 persona.
