Autoriteti i Mediave Audiovizive, ka detyruar katër televizionet, “TV Klan”, “Klan Plus”, “Abcnews” dhe “Shijak TV” që të fikin transmetimet analoge.
Një javë pas kalimit të transmetimeve në qarkun e Tiranës dhe Durrësit në dixhital, katër televizionet nuk e kishin fikur sinjalin analog, por është dashur ndërhyrja e AMA-s.
Në njoftimin për media thuhet se AMA ka ndërmarrë hapat e nevojshëm, për të finalizuar me sukses këtë proces.
“Në funksion të këtij procesi, AMA ka ndërmarrë hapat e nevojshëm për të finalizuar me sukses këtë detyrim, duke plotësuar kuadrin rregullator, licencuar operatorët privatë kombëtarë numerike, koordinuar me operatorët për lirimin e frekuencave të zëna në mënyrë të paligjshme dhe migrimin (zhvendosjen) në frekuencat e përcaktuara, lirimin e brezit DD2 për t’u përdorur për rrjetet mobile”.
