Autoritetet e Britanisë së Madhe kanë thuajse një javë që po përpiqen të zbulojnë se si u helmua ish-agjenti rus dhe vajza e tij, deri më tani janë hedhur disa teza, por ajo që është kryesorja është se të dy janë helmuar nga një “agjent nervorë”, përbërja e të cilit nuk është bërë akoma e ditur.
Autoritetet dhe vetë ministri i Brendshëm britanik kanë vënë në lëvizje çdo gjë dhe madje po hetojnë edhe mbi vdekjen e bashkëshortes dhe të djalit të tij. Ata po bëjnë kontrolle të ambienteve dhe mjediset ku ish-agjenti dhe e bija kanë qenë para se të sulmoheshin.
Gjurmët e “agjentit nervor vdekjeprurës” që është përdorur për të helmuar ish-spiunin ruse, Sergei Skripal dhe vajza e tij u gjetën në restorantin ku ata kishin qenë duke ngrënë para se të gjendeshin pa ndjenja.
Ministri i Brendshëm Amber Rudd tha se hetuesit gjetën një substancë vdekjeprurëse në Zizzi, Salisbury, gjashtë ditë pas sulmit helmues të ndodhur ditën e diel, gjurmë këto të gjetura në qytet.
Skripal, 66 vjeç dhe vajza e tij Julia, 33 vjeç, janë fotografuar duke ngrënë atje vetëm dy orë para se të gjendeshin për tokë, pranë një stoli.
Nuk ka asnjë njoftim se dikush tjetër që ishte duke ngrënë në atë restorant atë ditë është në rrezik, ose ka të bëjë me sulmin, tha znj. Rudd pas një takimi emergjent që bëri të shtunën.
Ekipet e luftës kimike po testojnë të njëjtat agjentë nervorë vdekjeprurës në varret e gruas dhe djalit të ish-spiunit rus.
Hetuesit të maskuar me veshjet anti-viruse pushtuan Varrezat e Salisbury për herë të dytë, ndërsa Sergei dhe Julia Skripal janë në “gjendje kritike” në spital, trasmeton Daily Mail.
Detektivi i infektuar, Rreshter Nick Bailey, është në gjendje të rëndë në spital, pasi u infektua gjatë një vizite që i bëri ish-spiunit rus.
Makina e policisë Sgt Bailey dhe ambulanca e përdorur për të transportuar ish-agjentin rus dhe vajzën e tij për në spital u dekontaminuan nga ushtarët.
Ndërsa varri i gruas së Skripal, Lyudmila dhe memoriali i djalit të tij Aleksandrit, u mbuluan nga çadrat e policisë për shkak se ekspertët po testojnë nëse edhe kanë qenë helmuar.
Ndërsa sipas burimeve thuhet se djali i tij vdiq nga sëmundja e mëlçisë në Rusi vitin e kaluar dhe e shoqja ka vdekur nga kanceri në vitin 2012.
Besohet se zhvarrimi i trupave është në shqyrtim, edhe pse Departamenti i Drejtësisë ka deklaruar se Policia Metropolitane nuk ka aplikuar ende për leje për ta bërë këtë.
Ministri i Brendshëm foli në një takim urgjent të Cobra mbi “hetimin serioz dhe substancial” të helmimit, ku zbuloi se kishte më shumë se 240 dëshmitarë dhe 200 dëshmi të përfshira në temtativëm e vrasjes së ish-agjentit rus, ndërsa 250 policë anti-terrorist po punojnë për të zgjidhur rastin. TIRANA TODAY
