Ditën e sotme vrasësi i Kreshnik Beqiraj ka dalë para trupi gjykues për të marrë masën e sigurisë dhe dhënë dëshminë. Ai e pranoi se e kishte vrarë shokun e tij dhe dërgoi policinë në vendin ku kishte dërguar trupin e coptuar të viktimës.
Autori ka treguar të gjithë situatën dhe si kanë rrjedhur ngjarjet e vrasjes makabër, e cila ngjan më shumë me një film horror. Ai ka treguar para hetueseve se mbrëmjen e 26 qershorit, ka vajtur në shtëpinë në Fier, ku jetonte me viktimën dhe se atë ditë kishte konsumuar dy dopje pije alkoolike.
Albert Zekaj është shprehur se e ka qëlluar disa herë me çekiç në kokë, Kreshnik Beqirajn dhe se ai ka mbetur i vdekur në vend, më pas e kishte lënë trupin për tre ditë të fshehur në shtëpi me qëllim që të ngrinte gjaku e të mos mbeteshin shenja.
Pas tre ditësh e ka copëtuar dhe pasi e ka mbështjelle me batanije dhe i ka vendosur në një valixhe pjesët e trupit i ka hedhur në fshatin Daullas. Nuk është gjetur ende koka e viktimës ndërsa janë dashur rreth 4 orë kërkime për gjetjen e eshtrave të tij pasi ishin të shpërndara në pjesë të ndryshme të territorit.
