Një 32-vjeçar në Laç është kanosur me armë zjarri. Ngjarja është shënuar kur shtetasi me inicialet S.D., po kthehej në banesë. Ka qenë vetë 32-vjeçari ai i cili ka njoftuar policinë se është kanosur me armë nga disa persona, që lëviznin me një mjet në drejtim të kundërt me të duke qëlluar në ajër. Burime zyrtare të uniformave blu njoftojnë se janë identifikuar dhe shpallur në kërkim autorët e dyshuar, por për shkak të hetimeve nuk bëhen me dije identitetet e tyre. Nga veprimet paraprake hetimore të kryera, ka rezultuar se 32-vjeçari nuk ka lëndime.
Njoftimi i policisë:
Kurbin / Informacion paraprak
Shtetasi S.D. 32 vjeç, banues në lagjen nr.6 Laç, ka njoftuar tek Salla Operative se gjatë rrugës me automjet për në banesën e tij, në afërsi të shinave të trenit te lagjia nr.6 Laç, është kanosur me armë nga disa persona që lëviznin me një mjet në drejtim të kundërt me të duke qëlluar në ajër.
Menjëherë pas njoftimit të marrë, forcat policore janë nisur në vendngjarje. Nga veprimet paraprake hetimore të kryera, ka rezultuar që nuk ka lëndime shtetasi S.D. si dhe nuk ka dëmtime as automjeti që po udhëtonte me të.
Në vijim të hetimeve, janë identifikuar dhe shpallur në kërkim autorët e dyshuar, por për shkak të hetimeve nuk bëhen me dije identitetet e tyre.
Vijon puna intensive me forca policore në terren duke ushtruar kontrolle si dhe duke vlerësuar çdo informacion për kapjen e tyre.
