Një aksident i rëndë ka ndodhur pasditen e sotme në aksin rrugor Tepelenë – Gjirokastër.
Një autobus, me drejtues shtetasin L.R, 45 vjeç, banues në Vlorë, ka goditur një këmbësor, i cili fatkeqësisht nuk i mbijetoi dot plagëve të marra.
Drejtuesi i autobusit është shoqëruar në komisariatin e policisë Gjirokastër dhe po kryhen veprimet procedurale.
Viktima është një burrë rreth 60 vjeç. Bëhet me dije se autobusi që ka aksidentuar kalimtarin për vdekje bënte linjën Vlorë -Athinë.
Njoftimi i policisë: “Gjirokastër/Informacion Paraprak.
Rreth orës 18:15, në aksin rrugorë Tepelenë – Gjirokastër, në afërsi të fshatit Humelic, një autobus, me drejtues shtetasin L.R, 45 vjeç, banues Vlorë ka goditur një këmbësor, i cili ka ndërruar jetë.
Në vendngjarje ka shkuar grupi hetimor dhe po punon për zbardhjen e shkaqeve të aksidentit.
Drejtuesi i autobusit është shoqëruar në komisariatin e policisë Gjirokastër dhe po kryhen veprimet procedurale”.
