Austria heq të gjitha kufizimet për shtetasit shqiptar me pasaporta biometrike. Lajmi është bërë i ditur nga Aeroporti Nënë Tereza, ku theksohet se nga 24 qershori fillojnë fluturimet drejt Austrisë.
Ky shtet nuk kërkon asnjë kriter, përveç mbajtjes së maskës mbrojtëse, ndërsa rastet e aplikueshme për vizat do të vazhdojnë si më parë.
Njoftimi i plotë
Lajm i mirë/Austria
Austria heq të gjitha kufizimet për pasagjerët me pasaporta biometrike që udhëtojnë në Austri, duke filluar nga data 24 Qershor 2021.
1) Asnjë kriter testi
2) Asnjë kriter vaksine
3) Vizat për rastet e aplikueshme vazhdojnë si më parë
I vetmi kriter, ju lutemi qytetarëve që udhëtojnë në Austri, është maska FFP2, si kjo ne foto. Kompania Austrian Airlines që operon në Austri, e ka të detyrueshme vetëm këtë tip maske, që e gjeni në farmaci.
Ata pasagjerë që janë tranzit në Austri, ju lutemi të kontrollojnë rregullat e udhëtimit Covid-19, që ka destinacioni final i mbërritjes.
Faleminderit për bashkëpunimin,
Tirana International Airport
