Për herë të parë që nga muaji qershor, Australia sot nuk ka raportuar asnjë rast të ri me Covid-19.
Ministri Federal i Shëndetësisë, Greg Hunt, njoftoi se nuk është regjistruar asnjë rast me COVID-19, sipas rezultateve të testeve në 24 orët e fundit nga shtetet dhe rajonet e vendit.
“Sot kemi zero raste të infektimit në komunitet në të gjithë Australinë. Faleminderit shërbimit tonë të mrekullueshëm shëndetësor, punonjësve tanë të shëndetit publik dhe, mbi të gjitha, popullit të Australisë”, shkroi Hunt në rrjetin social, Twitter.
Zero community transmission cases today – Australia wide. The first national zero community transmission day since June 9.
Thank you to all of our amazing health & public health workers & above all else, the Australian people. pic.twitter.com/jYuFO54mHj
— Greg Hunt (@GregHuntMP) November 1, 2020
Në fund të muajit mars, Australia kishte mbyllur kufijtë për shtetasit e huaj, përveç atyre me leje të përhershme banimi.
Vendi deri më tani ka regjistruar 907 të vdekur si pasojë e koronavirusit, teksa janë infektuar në total 27.596 persona.
