Pasi përfaqësues demokratë shkuan sot në vendgrumbullimin e mbetjeve në Sharrë, në lidhje me aferën e inceneratorëve, një reagim është pasuar nga kryetarja e LSI-së, Monika Kryemadhi.
Komisioni Hetimor për Inceneratorët zbarkoi sot në inceneratorin e Sharrës në Tiranë. Jorida Tabaku ka debatuar me përfaqësuesin e firmës. Ndër të tjera Tabaku theksoi se aty nuk bëhet incenerimi, por ka vetëm landfill. Sipas saj, ashtu si në Fier edhe inceneratori i Tiranës nuk ekziston.
Ndër të tjera, Tabaku e pyeti përfaqësuesin e firmës se ku ndodhen Klodian Zoto, Mërtiri dhe Stela Gugallja, ndërsa ky i fundit tha se nuk i njihte. Kryemadhi, me anë të një statusi në Facebook thekson se administrata e inceneratorëve është më shumë në ajër se në tokë, duke zbardhur skandalin e biletave.
Ajo thotë se 1.8 milionë dollarë nga taksat e shqiptarëve, janë përdorur për bileta avioni, edhe në pikun e pandemisë kur bota ishte e mbyllur.
Statusi
Administrata e inceneratorëve më shumë në ajër se në tokë!
1.8 milionë dollarë nga taksat e shqiptarëve janë përdorur për bileta avioni, edhe në pikun e pandemisë kur bota ishte e mbyllur!
Kjo është arsyeja pse Rama nuk i ndalon pagesat e kostove SHUMË të fryra të inceneratorëve të Tiranës dhe Fierit!
Ndiqni paranë, aty fle lepuri i korrupsionit të qeverisë!
