Atletja turke Asli Cakir Alptekin është përjashtuar përgjithnjë nga sporti, pasi ka rezultuar 3 herë pozitive në testet antidoping në karrierën e saj. Ajo është fituese e medaljes së artë në Lojërat Olimpike “Londër 2012” në garën e 1500 metrave dhe po atë vit fitoi të artën edhe në Europian. Në vitin 2015, ajo e humbi medaljen e artë olimpike dhe u pezullua 8 vjet nga Federata Turke e Atletikës. Ajo iu rikthye garave këtë vit, pasi mori një ulje të dënimit, por sërish dështoi, pasi edhe këtë vit ka dalë pozitive pas një kontrolli antidoping.
“Ne kurrë nuk do të tolerojmë përdorimin e dopingut nga sportistët tanë”, tha presidenti i Federatës Turke të Atletikës, Fatih Cintimar. Atletja Alptekin fitoi të artë në medaljen në atë që është quajtur “gara më e droguar e historisë”. 6 nga 9 atletet që e përfunduan finalen e 1500 metrave në “Londër 2012” kanë rezultuar pozitive dhe janë dënuar. Hera e parë që atletja turke është kapur me doping është në vitin 2004, kur garonte në Botërorin Junior. Asli Cakir Alptekin, tashmë 32 vjeçe, nuk do t’i lejohet as të bëjë rolin e trajneres në të ardhmen.
