Kanë kaluar nëntë vite nga vrasja e 15-vjeçarit, Alexis Grigoropoulos, në trazirat dhe protestat e organizuara nga qytetarët në Athinë. Në protestën e para nëntë viteve, adoleshenti grek është qëlluar nga policia dhe për pasojë ka humbur jetën.
Gjatë ditë së sotme, grupe të vogla të rinjsh janë përplasur me policinë greke gjatë një demonstrate , për të përkujtuar vrasjen e të riut nga policia. Të rinjtë e mbledhur kanë hedhur mjete shpërthyese drejt policisë duke kujruar bashkëmoshatarin e tyre, që mbeti i vrarë nga veprimet e policisë së Athinës.
Policia është kundërpërgjigjur ndaj të rinjve, duke hedhur gaz lotsjellës në sheshin e Athinës qendrore. Ndërsa sipas mediave greke, një tjetër protestë është njoftuar se do të mbahet gjatë orëve të mbrëmjes.
Nderkohë në shesh janë vendosur 2000 policë, të cilat janë porositur që të mbajnë gjithçka nën kontroll. Adoleshenti grek në momentin e vrasjes ka qenë i shoqëruar me një grup shokësh, ndërsa përgjigjja e qytetarëve ka qenë shumë e ashpër ndaj policisë vendase. TIRANA TODAY
