Ministri i Brendshëm, Fatmir Xhafaj ka folur në lidhje personat e arrestuar pas atentati në Shkodër, ku mbeten 8 persona të plagosur.
Sipas Xhafajt, grupi në fjalë kishte bashkëpunim me grupet e strukturura kriminale në Elbasan. Ai shtoi se edhe grupet e strukturuara kriminale janë zhvilluar, dhe kjo është ne fushën financiare dhe atë teknologjike.
“Sot tendenca e grupeve kriminale është sofistikimi nga financat dhe nga teknologjia. Kjo është tendenca e përgjithshme kriminale edhe për atë shqiptare. Nuk janë grupet e 90, por janë sofistikuar”-shtoi ai
Sasia e eksplozivit kishte si objektiv të fortin e Shkodrës, Lulzim Kulla. Atentati në Shkodër, ku mbetën 8 të plagosur, për ministrin Xhafaj ishte një punë e suksesshme e policisë, por ndërkohë sipas hetimeve rezulton se sasia e tritoli është transportuar me një furgon,ndersa ishte i fshehur në një motor.
“Është një grup kriminal, dhe ka përdorur një nga anëtarët e grupit për ta transportuar drejt Shkodrës. Është transportuar me motor, brenda një furgoni. Përmes hetimeve speciale, gjurmë në vetvete ishte vetë motori”-tha xhafaj.
