Të tjera detaje kanë dalë lidhur me vrasjen e Santiago Malko mbrëmjen e djeshme në Tiranë. Në vitin 2016, viktima ka qenë i përfshirë më herët në një konflikt me vëllezërit Lashi. Në atë kohë, konflikti dyshohet të ketë ndodhur për shkak të një borxhi. Por, ndërhyrja në kohë e forcave të Policisë bëri të mundur neutralizimin e palëve të përfshira në përplasje.
Sipas “Neës24”, policia ka përjashtuar nga pistat e hetimit konfliktin në fjalë, me vëllezërit Gentian e Edmond Lashi, pasi anëtarët e të dy familjeve i kishin dhënë besën në xhami njëri-tjetrit se do ta mbyllnin këtë çështje. Të paktën, kështu kanë deklaruar dy vëllezërit në polici.
Ndërkaq, pista kryesore e hetimit, sipas gazetares Dorjana Bezat, është përqendruar në fushën e biznesit të lojërave të fatit të viktimës.
Ndër të tjera, Malko ishte përjashtuar nga Policia e Shtetit në vitin 2014, për shkak të një problemi me lojërat e fatit, ndërsa raportohet se deri në momentin e përjashtimit nga policia, ai nuk rezultonte një person që kishte probleme me drejtësinë.
