Policia ka identifikuar dhe ka shpallur në kërkim dy autorët e atentatit të djeshëm në Shijak, ku u qëllua me kallashnikov drejt automjetit të blinduar të biznesmenit Dashamir Gjoka.
Policia njofton se autorët të shpallur në kërkim janë:
- E.K. 32 vjeç, banues në Shijak;
- M.K. 36 vjeç, banues në Shijak.
Shtetasit e mësipërm, vëllezër më njëri-tjetrin, kanë qëlluar drejt automjetit tip Benz të blinduar, që drejtohej nga biznesmeni 46-vjeçar.
Gjatë këqyrjes në vendin e ngjarjes u fiksuan në cilësinë e provës materiale 26 copë gëzhoja, model 56, kalibër 7.62 mm.
Në cilësinë e provës materiale është bllokuar dhe mjeti tip Benz, në të cilin dyshohet se kanë qenë shtetasit e mësipërm, si autorë të dyshuar në momentin e goditjes me armë zjarri.
Grupi hetimor nuk jep më shumë detaje mbi ngjarjen për shkak të hetimeve.
