Policia ka arrestuar një nga autorët e dyshuar të atentatit të biznesmenit, vetëm pak minuta pas plagosjes së Tefik Hysës.
Mësohet se ka qenë mjaft e lehtë të identifikohet vendi ku ka ikur autori, duke lehtësuar kapjen e tij nga policia në “Komunën e Parisit”.
Biznesmeni Tefik Hysa, ish-pronar i një fabrike tullash në Vorë u plagos me dy plumba: një në kokë dhe një në gjoks teksa pinte kafe në verandën e një lokali, pranë stadiumit “Selman Stërmasi”.
Mësohet se Hysa i ka shpëtuar një herë një atentati, ndërsa më vonë pritet të jepen të dhëna nga policia e Tiranës.
