Një person ka mbetur i plagosur një 42-vjeçar pasi është qëlluar me armë zjarri në sheshin “Isa Boletini” në Shkodër.
Ende nuk dihen rrethanat e ngjarjes, apo identiteti i personit të plagosur, por raportohet se ai ndodhet në gjendje të rëndë në spital.
Mësohet se ai ka qenë në një nga lokalet e zonës kur është qëlluar disa herë me pistoletë.
Komunikata
Më datë 28.06.2017, rreth orës 21:30 njoftohemi se ka të shtëna me armë në lagjen “Perash” në vendin e quajtur “Sheshi Isa Boletini”. Me marrjen e njoftimit, shërbimet e Policisë kanë shkuar menjëherë në vendngjarje ku ka rezultuar se si pasojë e të shtënave ka mbetur i plagosur shtetasi I. H., 42 vjeç, banues në Perash, Shkodër, i cili është dërguar në Spitalin Rajonal Shkodrës dhe ndodhet në gjendje të rëndë për jetën. Janë ngritur pika të shumta kontrolli dhe po bëhet krehja e zonës për identifikimin dhe kapjen e autorit. Grupi hetimor në vendngjarje po punon për grumbullimin e provave ligjore duke bërë të mundur sqarimin e rrethanave të ngjarjes si dhe dokumentimin ligjor të saj.
