Një 23-vjeçar është ndarë nga jeta mbrëmjen e djeshme, pasi është qëlluar me armë zjarri në Shkodër.
Gledis Kraja është qëlluar me automatik, dhe menjëherë është dërguar në Spitalin Rajonal të Shkodrës, por fatkeqësisht nuk ka arritur të mbijetojë.
Në drejtim të Gledis Krajës është qëlluar me 14 plumba.
Personi i shpallur në kërkim për vrasjen e ish-futbollistit është Sebastian Smakaj.
Ky i fundit është kampion kombëtar në “Taekwondo” për peshën 80 kilogramë. Po kështu, mësohet se autori dhe viktima kishin njohje të mëparshme me njëri-tjetrin, si dhe marrëdhënie miqësore.
Dyshohet se para atentatit, autori dhe viktima kanë bërë një sherr për motive të dobëta.
