Plagosje me armë zjarri në qytetin e Vlorës. Ngjarja ka ndodhur pranë shkollës së naftës, ku sipas policisë i plagosur ka mbetur shtetasi Arsen Gerbi dhe ka marrë plagë në këmbë.
53 vjeçari mësohet se është qëlluar me një plumb në këmbë nga një person që ende nuk është identifikuar prej bluve.
Policia po heton për shkaqet e ngjarjes dhe identifikimin e arrestimin e autorit.
Njoftimi i policisë
Më datë 16.04.2018, në lagjen “Rilindja”, është plagosur në këmbë me armë zjarri, nga një person i paidentifikuar shtetasi Arsen Gerbi 51 vjeç.
Shtetasi është transportuar në Spitalin Rajonal Vlorë për të marrë ndihmën e nevojshme mjekësore, aktualisht jashtë rrezikut për jetën.
Grupi hetimor po punon për zbardhjen e sqarimin e plotë të rrethanave të ngjarjes, dhe për identifikimin e kapjen e autorit.
