Tre astronautë kinezë janë kthyer në Tokë, pas përfundimit të një misioni gjashtë mujor në stacionin hapësinor të Kinës. Ata u nisën për në hapësirë më 5 qershor, për të mbikqyrur fazën përfundimtare të ndërtimit të stacionit hapësinor Tiangong, i cili përfundoi në nëntor.
Agjencia hapësinore e Kinës e shpalli misionin një “sukses të plotë”. Komandanti Chen Dong dhe shokët e skuadrës Liu Yang dhe Cai Xuzhe thanë se po ndiheshin mirë pas uljes, në audio të transmetuar nga transmetuesi shtetëror CCTV.
Stafi në vendin e uljes nxori ekuipazhin nga kapsula e daljes, e cila u ul pak pas orës 20:00 me orën lokale, rreth nëntë orë pasi u shkarkua nga stacioni hapësinor. Zonja Yang, astronautja e parë femër e Kinës, tha se ajo kishte një kujtim të paharrueshëm në stacionin hapësinor dhe “është e emocionuar për t’u kthyer në atdhe”, njoftoi agjencia shtetërore e lajmeve Xinhua.
Ndërsa ishin në hapësirë, tre astronautët mbikëqyrën mbërritjen e moduleve të dytë dhe të tretë për Tiangong dhe kryen tre shëtitje në hapësirë për të kontrolluar dhe testuar objektet e reja. Një ekuipazh i ri prej tre astronautësh kinezë mbërriti në stacionin hapësinor, për të bërë dorëzimin e parë të ekuipazhit në orbitë të mërkurën.
Ekuipazhi i ri u ngrit në anijen kozmike Shenzhou-15 nga qendra e nisjes satelitore Jiuquan në shkretëtirën Gobi në Kinën veriperëndimore.
Burimi i lajmit: BBC. Përshtatur nga Tirana Today
