Aktivistja Zana Avdiu ka kaluar në ofendime ndaj futbollistit kosovar, Granit Xhaka, që bëri krenar shqiptarët në ndeshjen e fundit kundër Serbisë.
Xhaka u përplas disa herë me futbollistët serbë gjatë ndeshjes Zvicrës-Serbi, ndërsa edhe njëherë në pah doli racizmi serb, pasi edhe pse luanin kundër zvicerianëve, futbollistët, trajneri dhe tifozët, u kapën duke sharë shqiptarët.
Jo më kot gjithë futbollistët e Serbisë, kishin në qendër të sulmeve të tyre Xhakën. Ajo u bë virale me një postim, ku kritikonte Granit Xhakën për gjestin që e bëri në ndeshjen e Zvicrës ndaj Serbisë.
“Akti i Granit Xhakës, është për turp. Akt prej një rrugaçi. Dhe, fatkeqësia është, që asnjë nuk la pa e shpernda atë foto. Pra, zero nivel, në një shtet të tanë”, shkruan gazetarja Avdiu.
Kjo bëri që në Kosovë të ndizej debati dhe “T7” në emisionin “Favoriti i Botërorit” të lidhej direkt me Ragip Xhakën, babain e Granitit. Ai tha se analistes Avdiu duhet t’i vijë turp që e quan Xhakën rrugaç.
“Nuk jam njeri i televizioneve e i kamerave. Jam njeri i sakrificës, i punës dhe burgjeve. Desha asaj zonjës, Zanës, t’ia përkujtoj. Një: t’i tregoj se kush jam. Ajo kur mirret me një fjalë rrugaç, t’i vjen turp, ajo nuk e di çfarë është sporti, çfarë është krenaria. I kundërvihet një djali që është gjak shqiptari, që na bën të gjithë shqiptarëve krenarë. I thotë Granitit rrugaç. Po më vjen keq që një femër me shkrujt ate fjalë. Më së pari të ma tregon fjalën rrugaç.
Ndoshta prej efektit mundesh me ndodh. Asnjë fjalë nuk e dëgjova për thirrjet e Serbisë. Familja Xhaka nuk është dorëzu asnjëherë ndaj pushtuesve. Graniti nuk e ka bo gjestin politik, as shovinist, as asgjë. Atë gjest nuk e ka bo as me fye kërkon, as me sha kërkon. Është turp i saj t’i mbrojë ato teza të Serbisë. Xhaka i tregoi botës që këta (e ka fjalën për Serbinë) na kanë dhunuar nënat tona, vajzat tona”, tha Ragip Xhaka në “T7”.
