Një nga figurat më të rëndësishme të PD-së, Astrit Patozi deklaron se është i gatshëm të kandidojë për kreun e Partisë Demokratike por që të ketë një garë të ndershme. Po gjithashtu ai kërkon si pikë kryesore dorëheqjen dhe largimin e Bashës nga selija e PD-së me grupin e tij.
“I shqetësuar për rezultatin dramatik të PD jam këtu për të marrë të gjitha përgjegjësitë e mia.
I mbështetur nga një numër i madh anëtarësh, deklaroj se jam i gatshëm të kandidoj nëse do të ketë garanci për zgjedhje të lira.
Kërkoj dorëheqjen e Bashës, largimin e tij nga zyra bashkë me stafin dhe çlirimin e selisë deri sa të përfundojë procesi.
Normalizimi statutor i garës duke bërë nul vendimet e deritanishme të dy n/kryetarëve. Anëtarësimet e dy muajve të fundit të mos kenë të drejtën e votës.
Listat e zgjedhësve duhet t’u jepen kandidatëve jo më vonë se tre ditë nga gara. Analizë dhe fushatë.
Komisioni duhet të ketë nga një përfaqësues nga kandidatët. Të ngrihet një komision për auditimin e procesit të garës, i kryesuar nga sekretari i Përgjithshëm.
Këto kërkesa janë garancitë minimale që të shkohet në një proces të drejtë dhe gjithëpërfshirës. Basha të dalë mbi ambiciet personale.
Jam gati të punoj me Bashën për një garë reale, por në rast se kërkesat tona nuk do të plotësohen ai do marrë përgjegjësitë.
Cdo anëtari të PD i lind e drejta të mos lejojë një farsë elektorale, që synon grabitjen e mandatit të kryetarit nga Basha” deklaroi Patozi.
Me Astrit Patozin shkon në pesë numri i kandidatëve për të marrë drejtimin e PD, pasi më herët përpos Bashës dhe Selamit kanë shpallur kandidaturat edhe Erion Piciri dhe Astrit Sinanaj.
