Aktori Bujar Asqeriu ka replikuar ashpër me ministren e Kulturës, Mirela Kumbaro, por edhe me kolegët e tij aktorë. Asqeriu ka renditur problemet që shqetësojnë aktorët, ndërsa i kërkoi Kumbaros të vihen në lëvizje strukturat e ministrisë, pasi teatri nuk mbahet me fjalë, as me pordhë, por me para.
Sipas Asqeriut, teatrot nuk kanë banjo të mirëfillta, aktorët detyrohen të lahen me ujë të ftohtë.
“Nuk jemi tregtar specash jemi artistë. Më përmende bashkitë në rrethe, teatrot në bashki kanë vdekur, tundu ministre, tundu!E lëviz shumë mirë amplitudën jam aktor unë. Më njeh populli mua. Unë flas se dua Shqipërinë, dua Teatrin, nuk dua të fitoj lekë, dua të më respektosh si artist. Duhet ta kuptosh mirë vëllain tënd, Arben Kumbaro është artist I vërtetë. Unë jam origjinal. Nuk pyes për askënd përveç Zotit. Laheshim me ujë të ftohtë, ne artistet”-shtoi ai.
Kumbaro: Dmth biem dakord që kushtet janë të këqija?
Asqeriu theksoi se nuk jemi këtu për t’i bërë qejfin njëri tjetrit, por për të zgjidhur problematikët që kanë mbuluar teatrin.
“Kush të pengoi ty të më krijosh kushte mua? Pse mos t’i themi? Për çfarë ta shfrytëzojmë këtë tavolinë për ti bërë qejfin njëri tjetrin? Ti je artist more, merresh me banjën. Merresh me halenë. Teatri bëhet me lekë, nuk bëhet me pordhë”-përfundoi ai.
