Shkencëtari që ndihmoi në zbulimin e virusit Ebola, Peter Piot është infektuar nga koronavirusi.
Mësohet se ai është shtruar në spital, pasi vuan edhe nga pneumonia. Shkencëtari shprehet se ka 40 vite që studion për t’i luftuar sëmundjet, por se asnjëherë nuk ka qenë kaq rëndë nga një sëmundje.
Piot thotë se ndihet i lumtur që është prekur nga koronavirusi dhe jo nga Ebola.
“Të infektohesh nga një virus ku për 4 dekada studion për t’i luftuar ato, nuk është diçka që e prisja. Asnjëherë nuk kam qenë sëmurë rëndë nga një sëmundje dhe në 10 vjetët e fundit, nuk pushuar asnjë ditë nga sëmundja.
Jam i shëndetshëm dhe bëj ecje rregullisht. Rreziku që kam nga Covid-19 është mosha ime. Unë jam 71 vjeç. Megjithatë jam i lumtur që jam prekur nga koronavirusi dhe jo Ebola”, tha ai.
Shkencëtari ka studiuar dhe hartuar raporte për shumë sëmundje infektive, përfshirë HIV. Në 2017, Piot u nderua për kontributin e dhënë në shkencë.
Për momentin ai mban edhe postin e drejtorit të shkollës së Higjienës dhe Mjekësisë Tropikale në Londër.
