Zbardhet dëshmia e Geldo Hotit, për të cilin Gjykata dha 45 ditë burg për ngjarjen e 4 tetorit.
Hoti ka mohuar të ketë qëlluar me armë në ngjarjen e ish-Bllokut. Ai ka thënë se ishte në lokal me Ervin Matën dhe komandon Bilo kur ka parë të qëllonin dy persona të panjohur.
“Nuk kam qëlluar askënd kur ishim në lokal me Ervin Matën, me Mervjol Bilon dhe me Redi Popescun. Ai na qerasi me një verë. Erdhën dy persona që si njihja dhe thanë: Askush të mos lëvizë!. Dhe më pas nxorën armët. Në atë moment u futa poshtë tavolinës nga frika. Në Greqi ika se do merrja një pajisje por jo se doja ti fshihesha hetimit”, ka thënë Hoti.
Ai u kap të premten nga policia, teksa tentonte të largohej drejt Greqisë, përmes Kakavijës.
37-vjeçari dyshohet se ka qëlluar me armë në konfliktin në të cilin humbi jetën Fabio Gaxha dhe mbetën të plagosur shtetasit Ervis Martinaj dhe Eljon Hato.
