Liverpool-it i ka mjaftuar një fitore minimale ndaj Huddersfieldit për tu rikthyer në krye të klasifikimit në Premier League. Të besuarit e Klopp barazuan me 23 pikë Manchester Cityn, i cili pak më parë shkatërroi Burnley me rezultatin e thellë 5 me 0.
“The reds” treguan sërish se këtë sezon nuk janë më ajo skuadra spektakolare që shënon shumë, por një ekip racional ,që vë në plan të parë marrjen e fitores, pavarësisht lojës.
Edhe në transfertën e sotme, skuadra e Liverpoolit fitoi me rezultatin minimal 0-1, ndërsa goli u shënua nga ylli egjiptian i skuadrës, Muhamed Salah, pas një asisti të Xherdan Shaqirit.
Gjilanasi i Zvicrës e nisi sfidën e sotme si titullar, duke përfituar edhe nga mungesa e Sadio Mane dhe shpagoi besimin e trajnerit Jurgen Klopp.
