Kryeministri Edi Rama do të shpallë sot qeverinë e re. Pas disa minutash, në orën 10:00, do të nisë Asambleja Kombëtare e Partisë Socialiste, me prezantimin e 5 raporteve të grupeve të punës që u ringritën pas zgjedhjeve të 25 qershorit.
Fillimisht do të prezantohet raporti i hartuar nga grupi i punës për veprimtarinë parlamentare, më pas raporti mbi dëgjesat publike nëpër qarqe.
Pika e tretë e axhendës është prezantimi i raportit të grupit të punës për Lehtësimin e Procedurave Burokratike dhe më pas raporti i grupit të punës për Organizimin dhe Koordinimin Elektoral të Partisë Socialiste që do të analizojë fushatën e fundit zgjedhore.
Pika e shtatë është miratimi i projektvendimit për zgjedhjet e reja në parti, ndërsa asambleja do të mbyllet me fjalën e kryeministrit Edi Rama.
