Ditën e sotme, Asambleja e pedagogëve të Universitetit të Tiranës ka mbajtur një mbledhje, e cila u zhvillua në Godinën Iliria.
Pedagogët e Universitetit të Tiranës kanë dalë me një vendim unanim, sa i takon ngërçit të krijuar për shkak të protestës së studentëve. Ata kanë vendosur që t’i japin qeverisë një afat kohor prej një jave që të anuloje Ligjin për Arsimin e Lartë, si dhe rishikimin e VKM-ve.
Në rast se qeveria nuk do t’i pranojë kërkesat e tyre, pedagogët votuan unanimisht se do të vazhdojnë bojkot pa afat të mësimit si dhe grevë të përgjithshme.
Kërkesat:
Mbështetje të protestës së studentëve
Shprehjen parimisht për ndryshim të ligjit për arsimin e lartë
Anulimin e menjëhershëm të VKM
Ndalimi e denigrimit të figurës së pedagogëve
Miratim i statusit të pedagogut
Rritjen e financimit publik për arsimin me 0,5% brenda këtij viti dhe me rritje graduale
