Aleksandër Arvizu, ish-ambasador amerikan në Tiranë, e ka ndjekur me vëmendje punën e pasardhësit të tij, Donald Lu për të cilin ka kritika.
Arvizu u shpreh se Donald Lu u përqendrua shumë në sistemin e drejtësisë, duke lënë mënjane kauzat sociale.
“Unë e kam mik dhe me të mbaj kontakte. E vetmja gjë që do të kritikoja është se puna e tij u përqendrua shumë në sistemin e drejtësisë, në procesin e vetingut. Në kohën kur isha i mandatuar, puna jonë u përqendrua në kauza të ndryshme më sociale,”- u shpreh ish-ambasadori Arvizu, teksa ishte i ftuar në emisionin “Wake Up” në Top Channel.
I pyetur lidhur me raportin qeveri-opozitë, ish-ambasadori tha se ka pasur regres, ndërsa shprehu edhe shqetësimin e tij për largimin masiv të shqiptarëve.
