Artistët vazhdojnë të kundërshtojnë projektin e qeverisë për rikonstruksionin e teatrit, duke prezantuar sot një projekt të ri, i cili sipas tyre do të ketë të gjitha parametrat e duhura.
Në deklaratën e tyre për mediat ata u shprehën se: “Teatri i rikonstruktuar do jetë me 4 kate dhe do të ketë 2 hyrje. Veshja e jashtme e teatrit do jetë prej metali e xhami. Kostoja mund të shkojë deri në 10 milionë euro bashkë me rikonstruksionin. Salla do jetë me sistem të kondicionuar dhe me të gjitha parametrat.
Ndërkohë në deklaratën e artisteve për mediat, i ishte bashkangjitur dhe akademiku Përparim Kabo, i cili akuzoi ministren e Kulturës dhe kryeministrin për projektin qe parashikon shembjen e godinës se teatrit.
“Godina nuk mund të shahet, nëse do të shembet, unë akuzoj ministren e Kulturës dhe kryeministrin. Media nuk mund të bëj lojëra, të vijnë të mbrojnë historinë e kombit dhe kulturës. Mund të vijnë dhjetëra projekte, por kjo zonë të jetë kampus teatror”- shprehu në fjalën e tij akademiku Kabo, ku ndër të tjera theksoi se edhe teatri i ish kukullave është godina e parlamentit të parë shqiptar, ndaj sipas tij, qeveria nuk duhej ta prishte.
