Artistët kanë përgatitur vetë një listë me emrat e personave që do të flasin në protestën e iniciuar nga Aleanca për Mbrojtjen e Teatrit.
“Në këtë protestë do të flasin vetëm mbrojtësit e Teatrit. Për të eliminuar të gjitha keqkuptimet, sot e kemi bërë listën vetë”, u shpreh Robert Budina.
Kësisoj ai la të nënkuptohet se nuk do të ketë fjalime nga përfaqësuesit e opozitës, që i janë bashkuar protestës në fjalë.
“Armiku numër një nuk është vetëm qeveria që kemi në krye, por edhe mënyra se si jemi përleshur me njëri-tjetrin. Stop! Tregoni vlera. Palët politike duhet ta gjejnë mënyrën se si t’i shërbejnë njëri-tjetrit. Sot jemi mbledhur për ta çuar deri në fund këtë kauzë. Në këtë protestë do të flasin vetëm mbrojtësit e Teatrit. Për të eliminuar të gjitha keqkuptimet, sot e kemi bërë listën vetë”, tha Budina duke ia lënë fjalën më pas aktorit Neritan Liçaj.
