Ndahet nga jeta aktori i njohur Agim Muji, vëllai i aktores Yllka Muji, i njohur për rolin e tij si ‘Zeneli’, në filmin ‘Malet me blerim mbuluar’.
Ishte Gjergj Zaharia, ish-kunati i aktorit, i cili bëri të ditur vdekjen e tij, e cila erdhi si pasojë e një ataku kardiak. Mësohet se Muji ka ndërruar jetë mëngjesin e djeshëm, në Romë, të Italisë, në moshën 63-vjeçare. Aktori jetonte në Itali që prej vitit ’90, që nga hapja e ambasadave.
Agim Muji mbaroi studimet për pikture dhe u shqua për talentin e tij, duke u paraqitur në shume ekspozita si ne Itali dhe France. Me datë 27 tetor ishte planifikuar hapja e një ekspozite në Paris me Zamir Matin, por që nuk arriti ta realizonte dot.
Muji ishte një personazh mjaft i njohur për publikun shqiptar, pasi ka interpretuar në filmin “Malet me blerim mbuluar” bashkë me motrën e tij Yllkën, ku luante rolin e Zenelit.
