Gazetari investigativ Artan Hoxha, ka ndarë me publikun në “Opinion” një bisedë që ka pasur disa vite më parë me Dritan Rexhepin, i cili është dhe porositësi i vrasjes së Jan Prengës, 49 vjeçari i marrë peng në Kamëz dhe i vrarë më pas nga vëllezërit Hajri në Shijak.
Ai ka zbuluar se kur kishte bërë një shkrim disa vite më parë për Dritan Rexhepin, pas 10 orësh ai i kishte gjetur numrin dhe e kishte marrë në telefon nga burgu i Ekuadorit.
“Ke bërë një shkrim në gazetë për mua; më tha. I thash nuk shkruaj më gazetë prej vitesh. Kishte gjet numrin tim. Isha në Vlorë dhe kam fikur menjëherë telefonin. Për 10 orë më gjeti nga burgu”, ka thënë Artan Hoxha.
Dritan Rexhepi, një prej katër personave që urdhëroi pengmarrjen e Jan Prengës, ndodhet në burg në Ekuador, si “koka” i një organizate trafiku kokaine. Ai u arrestua atje në vitin 2014 duke transportuar një ngarkesë prej 278 kg kokainë. Ai njihet edhe si Gramoz Rexhepi. Nga burgu ekuadorian, ai porositi pengmarrjen dhe vrasjen e Jan Prengës, 49 vjeç.
“E nxorën të zhveshur”, gazetarja zbardh ekzekutimin e Jan Prengës
