Gazetari Artan Hoxha deklaron se mesazhi i SHBA-ve me shpalljen ‘non-grata’ të ish-kryeprokurorit Adriatik Llalla, është një mesazh për ‘dorëzanët’ e tij. I ftuar në në emisionin “Real Story” në Vizion +, Hoxha thotë se çuditërisht sot janë zhdukur nga studiot televizive të gjithë ata që dikur e vendosën dhe mbështesnin.
“Ata që e vendosën kryeprokurorin Llalla në detyrë, sot pothuajse janë zhdukur. Ti nuk ke zëra sot. Sot ata që e mbronin me suicizëm… nuk gjenden, të njëjtin problem kam diskutuar me disa moderatorë sot.
Llalla nuk ishte tipi që bënte deklarata në media. Ai bëri deklaratë të fortë. Ai nuk i thoshte Donald Lu, por Don… Llalla tha “Don erdhi më kërkoi të mos hetoja”.. Të gjitha akuzat janë për bllokimin e reformës në drejtësi. Dhe i ka bërë se ka qenë një kryeprokuror i kapur.
Ka qenë Ilir Meta dhe sali Berisha që e kanë mbështetur. Llalla nuk është sulmuar as nga maxhoranca si e majtë si e djathtë. Ka qenë prokurori që ka patur kushtet më ideale.
Mesazhi që erdhi sot nga amerikanët, është për dorëzanët e Adriatik Llallës, se me Llallën ata mbaruan punë,” deklaroi Hoxha.
