Kryeprokurorja e Përkohshme, Arta Marku ka thërritur mbledhjen e përgjithshme të prokurorëve për zgjedhjen e anëtarit prokuror të Këshillit të Lartë të Prokurorisë (KLP).
Marku njofton se prokurorët e prokurorive të gjithë niveleve, duhet të jenë të pranishëm në mbledhjen që do të mbahet në date 11.04.2019, ora 10°°, në Hotel “Tirana”.
Gjatë kësaj mbledhje do të bëhet zgjedhja e Vate Staka si anëtari i Këshillit të Lartë të Prokurorisë, i cili kaloi me sukses testin e vettingut.
Njoftimi i Prokurorisë:
Në mbështetje të neneve 111 e vijues te ligjit nr.115/ 2016 “Për organet e qeverisjes se sistemit të drejtësisë”, pas përfundimit te verifikimit te kandidaturës së prokurorit Vate Staka, i cili ka kaluar me sukses procedurën e rivlerësimit,
Njoftohen prokuroret e prokurorive te gjithë niveleve se, në date 11.04.2019, ora 10°°, ne Hotel “Tirana”, Salla “Akernia” Tiranë, thirret Mbledhja e Përgjithshme e Prokuroreve, për zgjedhjen e anëtarit prokuror të Këshillit te Larte te Prokurorisë.
Ne bazë të nenit 112 te ligjit nr.115/2016, pjesëmarrja në Mbledhjen e Përgjithshme të prokuroreve për zgjedhjen e anëtareve te Këshillit të Larte të Prokurorisë është e detyrueshme. Përjashtohen nga ky detyrim, prokuroret qe për arsye te garantimit të shërbimit të gatishmërisë në prokurorinë përkatëse ose për arsye te tjera objektive, nuk mund te jene te pranishëm.
