Kryeprokurorja Arta Marku shkarkoi nga detyra kreun e Prokurorisë për Krime të Rënda Besim Hajdarmataj, të cilin e zëvendësoi me Donika Prelën.
Për shkarkimin Hajdarmataj ka treguar se sot paradite është njohur me urdhrin e Kryeprokurores. I kontaktuar nga portali CNA.al Hajdarmataj nuk ka dashur të komentojë, shkarkimin pa ndonjë motivacion, apo në lidhje me pasjen apo mospasjen e kompetencave të Prokurores së Përgjithshme të Përkohshme për emërime dhe shkarkime.
“Nuk kam asgjë për të thënë. Është një vendim i datës së sotme, që unë kam marrë se duhet të largohem. Unë po merrem me kalimin e funksioneve tek personi që më zëvendëson”, ka thënë Hajdarmataj për CNA.al. Sa i përket dosjes Tahiri, Hajdarmataj, është ende prokuror i çështjes.
Hajdarmataj është quajtur ndryshe prokurori i dosjeve të ”nxehta”, për shkak të çështjeve të ndjeshme që ka hetuar.
