Kandidatja për kryeprokurore, Arta Marku, ka folur para KLP. Gjatë intervistimit të saj, ajo tha se është e vetëdijshme se nuk i ka realizuar pritshmëritë e publikut për hetime apo arrestime. Kjo sipas saj, për shkak të kompetencave të kufizuara të Prokurorit të Përgjithshëm.
“Ka qenë një periudhë e vështirë, por pritshmërisë e publikut kanë qenë shumë të mëdha. Sidomos për çështje të veçanta, me emra konkretë. Unë jam e sigurt që nuk kam arritur të realizoj pritshmëritë.
Por askush nuk është kujdesur gjatë kësaj kohe, qe roli i Prokurorit të Përgjithshëm ka ndryshuar. Nuk është më ai prokuror që ka të gjitha kompetencat. Unë këtu nuk i kam realizuar pritshmëritë, kjo nuk ka qenë për shkak të mungesës së vullnetit nga ana ime, apo profesionalizimit. Por për shkak të mungesës së kompetencës dhe reformave në drejtësi.
Nëse do të rithehesha pas në kohë, të njëjtat gjëra do të bëja. Prokuroria ka qenë i vetmi institucion që ka punuar me kohë të plotë. Nëse do të zgjidhja sërish, do të merresha më shumë me treguesit e punës së prokurorëve. Ne kemi një numër të kufizuar prokurorësh, rritje e besimit tek sistemi i drejtësisë”, u shpreh Arta Marku.
