Deputeti i opozitës, Lefter Maliqi ka braktisur sallën e Kuvendit dhe nuk ka marrë pjesë në votimin e dy anëtarëve të Gjykatës Kushtetuese. Këtë ngjarje ai e ka komentuar nëpërmjet një statusi në facebook. Ai e quajti zgjedhjen e tyre një marrëveshje e fshehtë. Më tej, ai ka shkruar se është larguar pasi nuk pranon të bëhet pjesë e marreveshjeve të fshehta. Ai e ka quajtur një turp.
Maliqi tha se ishte pro ngritjes së Gjykatës Kushtetuese por sipas ligjit dhe Kushtetutës, duke kaluar nga Presidenti, tek Parlamenti dhe më pas tek Gjykata e Lartë.
“Te dashur miq, para votimit te dy anetareve te rinj te Gjykates Kushtetuese u largova nga Parlamenti, pasi nuk mund te behem pjese e marrveshjeve te fshehta me mazhorancen per te shkelur Kushtetuten, pasi me votimin e sotem ku dhe pjesa me e madhe e opozites ne Kuvend po behet pal me mazhorancen per kapjen e Gjykates Kushtetuese nga Rilindja. Jam pro ngritjes se Gjykates Kushtetuese por sipas ligjit dhe Kushtetutes duke kaluar nga Presidenti, tek Parlamenti, tek Gjykata e Larte sipas radhes. Votimi i sotem e fut vendin ne krize me te thelle politike e Kushtetuese. Domosdoshmeri krijimi i Gjykates se Larte dhe asaj Kishtetuese pasi 3 gjyqtar te Gjykates Kushtetuese zgjidhen nga Gjykata e Larte..Votimi i sotem tregon se parlamenti nuk funksionon, se opozita eshte e paperfaqesuar ne Parlament se dhe ky institucion po kapet nga Rilindja.Turp?”, shkruan Maliqi ne Facebook.
