Arsenal ka mposhtur me lehtësi Milanin në “San Siro” me rezultatin e pastër 0-2. Ky ishte rezultati i kërkuar nga londinezët pas një periudhe të errët për ta, pasi kuqezinjtë e Gattusos nuk arritën të shfaqin asnjëherë lojën e tyre. Arsenal sulmon që në minutat e para dhe e gjen golin shumë shpejt. Në minutën e 15’ Henrikh Mkhitaryan tronditi rrjetën e Donnarummës, me një goditje fantastike. Milani përpiqet të reagojë pas goli të pësuar p[or e ka mjaft të vështirë, pasi “topçinjtë” janë dominues në çdo pjesë të fushës.
Në fund të pjesës së parë Arsenal dyfishon rezultatin me anë të Aaron Ramsey. Pas pushimit Milan mundohet të bëjë diçka më tepër por e ka të pamundur të depërtojë në mbrojtjen e Arsenal, që çuditërisht duket tepër solide.
Borussia Dortmund është “thyer” nga RB Salzburg në Signal Iduna Park. Kosovari valon Berisha ka dhuruar një performancë të shkëlqyer duke gjetur dy herë rrugën e rrjetës në këtë sfidë, ku të parin e shënon nga pika e bardhë e penalltisë. Sidomos goli i dytë i Berishës ishte spektakolare dhe ia vlen për t’u parë nga të gjithë.
Schurrle ngushtoi diferencën teksa kishte edhe një orë lojë por ndeshja përfundoi me fitoren e miqve. Atletico nuk e diskutoi fitoren ndaj Lokomotiv Moscoë, ndërsa Lyon ka mundur CSKA Moscoë në Rusi me golin e Marcelo.
Atletico Madrid ka mposhtur me lehtësi rusët e Lpkomotivës së Moskës në “Wanda Metropolitano”, me rezultatin 3-0. Duke hedhur një hap të sigurt për në fazën tjetër të Europa League. Golat u shënuan nga Niguez, Diego Costa dhe Koke. Edhe ekipi tjetër CSKA e Moskës është mposhtur në Rusi nga Lyon me rezultatin e ngushtë 0-1. Golin e vetëm të sfidës e shënoi Marcelo, pas asistimit të Depay.
