Ish-kampioni i golfit, Tiger Woods, është ndaluar mëngjesin e sotëm nga policia pasi drejtonte makinën në gjendje të dehur.
Woods u mbajt në burgun e County Palm Beach në Florida nga ora 03:00 e mëngjesit deri në orën 07:18 me orën lokale. Ndërsa u lirua pas gati tetë orësh në paraburgim me orën lokale 10.50 am.
Në një foto të shkrepur nga policia ylli i golfit Woods paraqitet me sy të lodhur duke vështruar nga kamera. Ai u akuzua për drejtim automjeti nën efektin e alkoolit. Kjo është hera e dytë që Woods është kapur duke ngarë makinën nën ndikimin e substancave.
Babai i dy fëmijëve kërkoi falje mbrëmë, por tha se nuk ishte i pirë, por kishte thjesht një alergji ndaj ilaçeve të rekomanduara nga mjeku, shkruan “The Sun”.
“E kuptoj sa e rëndë ishte ajo çfarë bëra dhe marr përgjegjësinë e plotë për veprimet e mia. Nuk kisha konsumuar alkool. Ajo që ndodhi ishte një reagim i papritur ndaj medikamenteve të përshkruara nga mjeku. Unë nuk e kuptoja se përzierja e medikamenteve të më kishte dhënë të tillë efekt. Dëshiroj të kërkoj falje me gjithë zemër për familjen, miqtë dhe tifozët e mi. Pres edhe më shumë nga vetja ime.” Kjo ngjarje ndodhi e Woods vjen vetëm disa ditë pasi kampioni i 14-të i golfit tha se nuk ishte ndjerë kaq mirë prej shumë vitesh ndërkohë që u shërua nga operacioni i tij i katërt.
The Sun/Tirana Today
[ngg_images source=”galleries” container_ids=”157″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
