Sulmuesi francez Andy Delort i Montpellier është arrestuar një natë më parë nga policia. Mësohet se mbrëmjen e djeshme ai po udhëtonte në një makinë 4×4, por që ishte duke u drejtuar nga një person tjetër, i cili nuk ishte i pajisur me leje drejtimi. Futbollisti nuk i është bindur policisë dhe është larguar me shpejtësi të madhe.
Makina me të cilën udhëtonte Delort nuk është ndjekur nga forcat e policisë si në filma dhe është ndaluar shumë shpejt. Pas ndalimit, fjalori që ka përdorur futbollisti kishte përmbajtje të papranueshme, ku mësohet se është shprehur: “Nuk më plas fare, unë fitoj 150 mijë euro në muaj”. Pas këtij lajmi ka reaguar edhe vetë futbollisti, i cili ka shkruar se fjalët e raportuara në adresë të tij janë krejtësisht të pavërteta.
“Kam reaguar pozitivisht, sepse e gjeta veten në një situatë aspak normale. Fjalët që më janë thënë janë krejtësisht të gabuara. Nuk duhet të mërzitem”-shkroi futbollisti, Andy Delort.
