Zbulohet identiteti i një prej bosëve shqiptarë të kapur me 1 ton kokainë në Spanjë edhe 1. 55 mln euro cash. Ai është Arjan Ndoci 41-vjeç, emri i një prej të arrestuarve, i cili rezulton vëllai i biznesmenit të ndërtimeve Viktor Ndoci, i cili gjithashtu është ortak në një qendër të madhe tregtare në Tiranë.
Por emri i Arjan Ndocit, është i dëgjuar nga policia shqiptare, pasi e përdorte si nofkë nga ish-deputeti i PS-së Armando Prenga.
Një në dokument të policisë italiane mbi identitetet e rremë që mbante ish-deputeti socialist Armando Prenga në Itali, thuhet se Mondi Prenga, i lindur më 26.06.1974 ka përdorur identitete të ndryshme si: Ardian Ndoka, Mond Gjoni, Don Gjoni dhe Arjan Ndoci.
Pra emri që ka përdorur për tu kamufluar Armando Prenga, i përkiste një personi real dhe jo fiktiv.
Sipas dokumenteve italiane Prenga ka precedentë penalë të mëparshëm si grabitje, falsifikim dokumentesh dhe krim prone. Kujtojmë se Prokuroria e Përgjithshme kishte kërkuar t’i ndërpritet mandati deputetit të Kuvendit, Armando Prenga, në kuadër të ligjit të dekriminalizimit. Por pasi u shqyrtua nga Prokuroria e u shpall të pafajshëm.
Ndërsa, sot një nga ‘nofkat’ që ai përdorte, rezulton të jetë emri i Arjan Ndocit, i cili sipas INTERPOL-i është koka e trafikut të drogës nga Kolumbia nga Spanjë dhe që më pas shpërndahej në të gjithë Evropën. Ndoci rezulton se nuk është dënuar apo ndaluar më parë për trafik, ndërsa vijojnë shkëmbimet e informacioneve mes autoriteteve shqiptare dhe atyre spanjolle.
Pas sekuestrimit të një ton kokaine në Madrid, policia spanjolle deklaroi se dy shqiptarët e arrestuar ishin; Julian Deblini dhe Dritan Gradica, por këtij të fundit dyshohet se i kanë vjedhur identitetin, pasi koka e trafikut është Arjan Ndoci. TIRANA TODAY
