Një 32-vjeçar shqiptar, i shpallur në kërkim ndërkombëtar është kapur nga policia e Tiranës. Shtetasi Klodian Bregu, 32-vjeç, banues në Shkodër, është arrestuar përkohësisht me qëllim ekstradimi drejt Italisë.
“Arrestohet përkohësisht një shtetas i shpallur në kërkim ndërkombëtar, me qëllim ekstradimi drejt shtetit italian. Shërbimet e Drejtorisë Vendore të Policisë Tiranë, kapën dhe arrestuan përkohësisht me qëllim ekstradimi drejt Italisë, shtetasin e shpallur në kërkim ndërkombëtar Klodian Bregu, 32-vjeç, banues në Shkodër.
Ky shtetas është në kërkim ndërkombëtar, pasi Gjykata e Parmës Itali, ka lëshuar ndaj këtij shtetasi Urdhër Arresti Ndërkombëtar, për veprat penale “Organizatë Kriminale” dhe “Trafikim i Narkotikëve”, të parashikuara nga legjislacioni italian”.
Veprimet e mëtejshme në lidhje me këtë shtetas do të kryhen nga Zyra e Interpol Tirana.
