Policia ka vënë në pranga juristin e Kadastrës së Durrësit, Mikel Zaho. Arrestimi erdhi pas një hetimi të nisur për një pronë, në zonën e ‘Plepave’ në Durrës.
Mikel Zaho është vënë në pranga, pas një hetimi për një parcelë 2000 metra katrorë në Plepa. Policia ka mësyrë në zyrat e Kadastrës, aty ku ka bërë të mundur arrestimin e tij. Prokuroria ka kërkuar arrestimin e personave të tjerë të përfshirë.
Zaho është arrestuar si i dyshuar për veprat penale “Shpërdorimi i detyrës” dhe “Falsifikimi i dokumenteve”.
Hetimi është kryer nga prokurori Madrid Kullolli, ndërkohë që priten të tjera arrestime nga policia.
Zaho është arrestuar dhe më parë, për dosjen e Kepit të Rodonit.
