Mbesa e Federica Mogherinit ka rënë në burg, pasi akuzohet se ka shitur dhe blerë drogë. Gaia Mogherini, është vajza e vëllait të Federica Mogherinit, përfaqësuesja e lartë e BE-së për Punët e Jashtme.
Ajo është një ndër 21 të arrestuarit, të cilën u kapën në Romë dhe që akuzohen për trafikim droge në klubet e natës në qendër të Romës. 28-vjeçarja, mbesë e Mogherinit, ishte arrestuar edhe në 2016-ën për të njëjtën vepër penale. Ajo është lënë në arrets shtëpiak.
Habia e hetuesve ishte pastërtia e substancës narkotike e barabartë me 97%, pothuajse e pashembullt në Itali. Kjo i bën hetuesit të mendojnë se drogat dalin nga vendet e prodhimit të huaj dhe se për këtë arsye tregtarët e drogës kanë lidhje të drejtpërdrejta me subjektet e përfshira në tregtinë ndërkombëtare të drogës.
