Këngëtari i njohur, Korab Jetishi, është arrestuar mbrëmjen e djeshme nga policia e Kosovës, pasi shkeli masat kundër përhapjes së pandemisë.
Djali i këngëtarit të mirënjohur, Shkëlzen Jetishi, u ndalua për 48 orë me vendim të prokurorit.
Drejtori i policisë rajonale në Gjakovë, Lumni Graishta, tha se arrestimi ka ndodhur me rastin e hapjes solemne të lokalit ‘Xeni Imperial’.
“Me rastin e hapjes solemne të një lokali, ku ishin 120 persona të ftuar, policia ka intervenuar dhe ka arrestu pronarin e lokalit dhe organizatorin e ndejës. Me vendim të prokurorit, i njëjti është ndaluar për 48 orë”, tha ai për Gazetën Sinjali.
Ai theksoi se këngëtari akuzohet për thyerjen e këtyre masave: grumbullimin e njerëzve, punën pas orës 22.30, mos mbajtjen e distancës etj.
