Arrestohet ish-shefi i Krimeve në Drejtorinë Vendore të Policisë së Durrësit.
Në pranga ka rënë Krenar Behari, i cili u arrestua pas lëshimit të urdhrit të prokurorit Arjan Ndoji.
Behari akuzohet se ka kryer veprime për arrestimin e një personi në kundërshtim me prokurorin.
Konkretisht, mësohet se ish-shefi i Krimeve ka ndërhyrë në një konflikt mes dy vëllezërve në Durrës, por në vend që të arrestonte autorin e dhunës, ka arrestuar viktimën.
Ngjarja u zbulua gjatë marrjes në pyetje të të arrestuarit, i cili i tregoi shenjat e dhunës që kishte në trup dhe se ishte arrestuar ai në vend të vëllait që e kishte sulmuar.
