Policia ka vendosur të arrestojë ish-deputetin e PD-së, Klevis Balliu, pas shoqërimit që i bëri paraditen e sotme. Balliut i është komunikuar masa e arrestit në Komisariatin nr 6 këtë pasdite, pasi bllokoi rrugën tek “Unaza e Re”.
Ndonëse kishte muaj që bllokonte çdo pasdite rrugën tek “Unaza”, policia nuk kishte marrë asnjë masë ndaj tij.
Tashmë pritet që rasti i tij të dërgohet në gjykatë, dhe do të jetë kjo e fundit, që do të vendosë nëse ai do të qëndrojë në burg.
Klevis Balliu dhe disa protestues të tjerë u shoqëruan forcërisht në polici, për shkak të kundërshtimit të punonjësve të policisë dhe bllokimit të paligjshëm të rrugës. Ata kishin dalë për të penguar kryeministrin Edi Rama, i cili po vizitonte një biznes në zonën e ‘Astirit’.
Tension në Astir/ Përplasje mes policisë e qytetarëve, shoqërohet Klevis Balliu
